Logoadarshah
德格丹珠爾D4433འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པའི་མན་ངག་ཟབ་མོ་བཞུགས།
211-286b

༄༅། །འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པའི་མན་ངག་ཟབ་མོ་བཞུགས།
[༄། །འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པའི་མན་ངག་ཟབ་མོ་བཞུགས།]
༄༅༅། །སྲིད་པ་གསུམ་གྱི་བླ་མ་ལ་ཕྱག་འཚལ་ལོ། །འཕགས་པ་ཀླུ་སྒྲུབ་ཞལ་སྔ་ནས། །བཀོད་པར་གྱུར་པ་རྩ་བའི་མཛོད། །སེམས་ཅན་ཀུན་ལ་རྗེས་བརྩེ་བས། །བདག་གིས་རབ་ཏུ་བརྗོད་པར་བྱ། །ཀ་ན་ཀ་པཉྩངྒི་བླངས་ནས་ཨ་ལམ་བུ་ཥ་
དང་། ཆང་གི་ས་བོན་དང་། སྒེའུ་གཤེར་དང་། པི་པི་ལིང་གི་ས་བོན་དང་། འདི་རྣམས་ཀཉྫི་ཀ་དང་བཏགས་ནས་བྲིཥ་ཎ་ལ་བྱུགས་ན། ཀུ་རཎྜ་སེལ་བར་བྱེད་དོ། །མ་ཧེའི་མར་སར་དང་ནས་ཀྱི་ཕྱེ་དང་། ནཱ་ག་བ་ལ་དང་། ཤུ་དག་དང་། ཨ་ཏི་བ་ལཱ་དང་། 
211-287a

བ་ལཱ་དང་། འདི་དག་ཐམས་ཅད་གཅིག་ཏུ་བྱས་ནས་ཉེད་པར་བྱས་ན་སྦོམ་པོར་བྱེད་པའི་མཆོག་གོ། །གཏུན་ཤིང་ལྟ་བུར་འགྱུར་རོ། །མར་སར་དང་། ཤུ་དག་དང་། རུ་རྟ་དང་། བ་ལཱ་དང་། ནཱ་ག་བ་ལཱ་རྣམས་ཀྱིས་ནུ་མ་མཆོག་ཏུ་མཉེས་ན་
དེ་ཡིས་བུམ་པ་ལྟ་བུར་འགྱུར་རོ། །ན་མཿས་བ་རཱ་ཎཾ་ཧ་རི་དྲ་སྭཱ་ཧཱ། སོ་རྩི་ལ་ལན་བདུན་བསྔགས་པ་བྱས་ནས་གང་ལ་བྱིན་པ་དེ་དབང་དུ་འགྱུར་རོ། །ཚངས་མ་དང་། ཤུ་དག་དང་། བཱ་མ་དང་། པི་པི་ལིང་དང་། སྦྲང་རྩི་དང་། རྒྱམ་ཚ་དང་། {སིང་ལྡེང་}རྣམས་
མཚན་མོ་བདུན་གྱི་ཉེ་བར་སྦྱོར་བས་ངག་མི་གསལ་བ་དག་པར་འགྱུར་རོ། །བྱི་དང་གའི་སྙིང་པོ་སྲང་གཅིག །ཨ་རུ་ར་སྲང་གཅིག །བ་རུ་ར་སྲང་གཅིག་དང་། བུ་རམ་སྲང་དྲུག་སྟེ་འདི་དག་མཉམ་པ་ཆུ་དང་བཅས་པ་ཟོས་ན། རླུང་ནད་མ་ལུས་པ་སེལ་བར་
ཐེ་ཚོམ་མེད། ཚངས་པའི་དབྱུག་པ་དང་། ཤུ་དག་དང་། རུ་རྟ་དང་། པྲི་ཡང་ཀུ་དང་། ནཱ་ག་གེ་སར་རྣམས། སོ་རྩི་དང་བཅས་པ་བུད་མེད་ལ་བྱིན་ན་གཞན་གྱིས་དབང་དུ་བྱེད་པར་འགྱུར་རོ། །སྐར་མ་རྒྱལ་ལ་མྱོས་བྱེད་ཀྱི་འབྲས་བུ་བླངས་ཏེ། སྐར་མ་
སྐག་ལ་ཤུན་པ་དང་། སྐར་མ་མེ་བཞི་ལ་འདབ་མ་དང་། སྐར་མ་ནག་པ་ལ་མེ་ཏོག་དང་། སྐར་མ་སྣྲུབས་ལ་རྩ་བ་རྣམས་བླངས་ཏེ། འདི་རྣམས་ཕྱེ་མར་བྱས་ནས་སྦྲང་དང་ལྷན་ཅིག་རིལ་བུ་བྱས་ཏེ། རས་ཀྱིས་བཅིངས་[བ་ས་ན་ཙོ།] ནས་དྲིལ་ཏེ་བརྡུངས་ནས་ཕྱེ་
མར་བྱས་ཏེ། སོ་རྩི་དང་མཉམ་དུ་གང་ལ་བྱིན་པ་དེ་ཐམས་ཅད་མོད་ལ་དབང་དུ་འགྱུར་རོ། །ཧྲཱིཾ་{གྷྲུཾ་}བི་ཀྲྀ་ཏཱ་ན་ན་ཧཱུྃ་ཧཱུཾ་ཕཊ་ཕཊ་སྭཱ་ཧཱ། སྔགས་འདི་འདབ་མ་ལ་བྲིས་ནས་གང་ལ་བྱིན་པ་དེའི་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་།
རིམས་མི་བཟད་པ་སེལ་བར་བྱེད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཪྻཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཀ་རི་ཀ་རི། བི་ཀ་རེ་སྟམ་བྷ་ནི་བི་ཀ་རེ་སྟམ་བྷ་ནི། སརྦ་རོ་ག་པྲ་ཤ་མ་ནི་སྭཱ་ཧཱ། སྔགས་འདི་ལན་
211-287b

ཉི་ཤུ་རྩ་གཅིག་བཟླས་ཏེ། ཁ་ལ་བྱབས་ཤིང་། གོས་ལ་མདུད་པ་བྱས་ནས་རྒྱལ་པོའི་ཕོ་བྲང་དུ་ཞུགས་ན་རྒྱལ་པོ་ཁྲོས་པ་རབ་ཏུ་དང་བར་འགྱུར་རོ། །བ་ལང་གི་སོ་དང་བྱ་རོག་གི་བྲུན་མཉམ་པར་བཏགས་ཏེ། གང་གི་མགོ་ལ་གཏོར་བ་དེ་ཐམས་ཅད་དབང་དུ་
འགྱུར་རོ། །ཡུངས་ཀར་དཀར་པོ་དང་། ཤི་བ་ནིརྨཱ་ལྱ། གང་གི་ཁྱིམ་དུ་བཞག་ན་དེ་སྐྲོད་པར་བྱེད་དོ། །སཱ་ཁོ་ཊ་ཀའི་རྩ་བ་དང་། བ་རུ་རའི་རྩ་བ་གཅིག་ཏུ་བྱས་ནས་གང་གི་ཁྱིམ་དུ་བཞག་ན་དེའི་ཁྱིམ་དུ་རྟག་ཏུ་འཐབ་མོ་འབྱུང་ངོ་། །ལྒ་དང་། པི་པི་ལིང་
དང་། ཕོ་བ་རིས་དང་། འཇམ་འབྲས་དང་། ཡུང་བ་དང་། སྐྱེར་པ་དང་། རྒྱམ་ཚ་དང་། རིའི་བིལྦ་དང་། རྒྱ་སྤོས་ཀྱི་རྩ་བ་དང་། སཾ་ཁྱ་ནཱ་བྷི་སྟེ། འདི་དག་ཐམས་ཅད་ཆུ་ལ་བཏགས་ཏེ་མིག་སྨན་བྱས་ན། རབ་རིབ་མ་ལུས་པ་སེལ་བར་བྱེད་དོ། །
ཝཱ་ཀུ་ཛི་ཀཱ་བྲི་གང་དང་། རྒྱམ་ཚ་དང་། རའི་འོ་མ་ཆ་མཉམ་པ་བྱས་ནས། བ་ལང་གི་ཆུ་དང་མཉམ་པར་སྦྱར་ཏེ་ཟངས་ཀྱི་སྣོད་དུ་བཞག་ནས། དེ་ལུས་ལ་དྲིལ་ཕྱི་བྱས་ན་མཛེ་ནད་མ་ལུས་པ་སེལ་བར་བྱེད་དོ། །ལྕགས་ཀྱི་ཕྱེ་མ་དང་། མཾ་སཱ་ཀཥྚ་དང་། དེ་
བཞིན་དུ་སྐྱུ་རུ་རའི་འབྲས་བུ་དང་། ཁུ་བ་སྲང་བཅུ་དང་། ཁུ་བ་དེས་བསྒོས་ནས་ཉི་མ་ལ་བཞག་སྟེ། སླར་ཡང་ཝཱ་གུ་ཛི་ཀཱའི་ཕྱེ་མ་ཞོ་གང་བྱས་ནས་དཀྲུགས་ཏེ། རྒས་པ་འོ་མའི་བཟའ་བ་དང་ལྷན་ཅིག་ཟོས་ན་ཞག་བདུན་གྱིས་མཛེ་ནད་སེལ་བར་བྱེད་དོ། །དེ་ཡང་
གལ་ཏེ་ལས་ཀྱི་དབང་གིས་ན་མི་འགྲུབ་པོ། །དེ་བཞིན་དུ་སྐྱུ་རུ་ཆ་བཅུ་དང་། བྱི་ཏང་ག་ཆ་ལྔ་དང་། ཨ་རུ་ར་ཆ་བཅུ་དང་། ཙི་ཏྲ་ཀ་ཆ་ལྔ་དང་། ཝཱ་གུ་ཛི་ཆ་བདུན་དང་། ལྕགས་ཕྱེ་ཆ་བརྒྱད་དང་། ར་མོ་ཤག་ཆ་དགུ་དང་། ཏིལ་མར་བསྲེས་པ་ཟླ་བ་
གཅིག་གིས་སྐྲ་དཀར་འཇོམས་སོ། །འདི་ནི་བྱུག་པ་མདོར་བསྡུས་པའོ། །བྱེའུ་ཁཉྫ་རཱི་ཊའི་རུས་པ་དང་། སྦྲུལ་གྱི་མགྲིན་པའི་བགས་པ་དང་། ཤིང་གང་ལ་སྦྱིན་པའི་བདུག་པ་དེ་ཤིང་དེའི་དྲུང་དུ་མཉམ་པར་དོར་རོ། །བྱེའུ་ཁཉྫ་རཱི་ཊའི་ཤ་དང་སྦྲང་རྩི་
211-288a

ལྷན་ཅིག་སྦྱར་ཏེ། བྱ་བའི་དུས་སུ་སྐྱེ་གནས་ལ་བྱུགས་ཏེ། བུད་མེད་གང་ལ་སྐྱེས་བུ་མངོན་པར་{བསྒྲོད་}པར་བྱེད་ན་དེ་དང་པོ་བཞིན་དུ་སྐྱེས་པ་དེའི་བུར་འགྱུར་རོ། །དགོན་པའི་འུག་པ་བཟུང་ནས་དེའི་མིག་དང་པི་པི་ལིང་གིས་བྱུགས་ཏེ།
དེའི་རྡུལ་ལྷུང་བས་མིག་ལ་མིག་སྨན་བྱས་ན། དེ་སྦས་པ་དེ་མི་མཐོང་ངོ་། །སཱ་པཱི་ཏི་ཏ་བྱཱ་དྷ་ཏྲ་རོ་པཎྣཾ་པྲ་ཡཙྪཏི། ནས་ཀྱི་ཕྱེ་མ་དང་། ཡུང་བའི་ཕྱེ་མ་དང་། བའི་ཆུ་དང་། མར་དང་། སྤོས་དཀར་དང་། ཤིང་མངར་རྣམས་མཉམ་པར་སྦྱར་ཏེ། གདོང་
ལ་དྲིལ་ཕྱི་བྱས་ན། གདོང་པདྨ་ལྟ་བུར་འགྱུར་རོ། །རྐང་པ་དག་པདྨའི་འདབ་མ་ལྟ་བུར་འགྱུར་རོ། །བུད་མེད་ཐམས་ཅད་རྒྱལ་པོའི་ཕོ་བྲང་དུ་མཛེས་ཤིང་སྡུག་པར་འགྱུར་རོ། །ཡང་ཤིང་མངར་དང་བཏགས་ཏེ་རིལ་བུ་སྦྱར་ནས་ཆུའི་བུམ་པར་བཅུག་ན།
བསིལ་བར་འགྱུར་རོ། །ཨོཾ་མ་ཧཱ་བ་ལི་ཛ་ཡེ་སྭཱ་ཧཱ། གོས་ལ་ཡོངས་སུ་བཟླས་ཏེ་བསྒོས་ན་སྐལ་བ་བཟང་པོར་འགྱུར་རོ། །རིག་པ་འཛིན་པས་སྤྲེའུའི་མཇུག་མ་བླངས་ཏེ་སྦྲང་དང་བཏགས་ནས་ལྟེ་བའི་ཕྱོགས་སུ་བྱུགས་ན་ལིང་ག་གྱེན་དུ་འགྱུར་བར་
ཐེ་ཚོམ་མེད་དོ། །དཱུརྦ་དཀར་པོ་དང་། ཤུ་དག་དང་། རུ་རྟ་དང་། པཎྜི་ཏ་ག་རའི་རྩ་བ་དང་། སྲིན་ལག་གི་ཁྲག་རྣམས་མཉམ་པར་སྦྱར་ཏེ། དུར་ཁྲོད་ཀྱི་ཐལ་བ་དང་འདི་དག་སྦྱར་བས་སྐྱེས་པ་དང་བུད་མེད་དབང་དུ་བྱེད་དོ། །ཐང་ཕྲོམ་པ་དང་།
ཤུ་དག་དང་། རུ་རྟ་དང་། ཀཎྜ་ཀ་རི་དང་། ས་ཏཱ་བ་རི་དང་། འདི་དག་ཆ་མཉམ་པར་བྱས་ནས་ཏིལ་མར་གྱིས་སྨིན་པར་བྱས་པའི་ཏིལ་མར་དེས། ལིངྒ་ཉེད་པར་བྱས་ན་སྦོམ་པར་བྱེད་པའི་མཆོག་ཏུ་འགྱུར་རོ། །ལྕེའི་དྲི་མ་དང་། ཤུ་དག་དང་། རུ་
རྟ་དང་། ནིརྨ་ལ་ཆ་མཉམ་པར་ཕྱེ་མར་བྱས་ནས་གང་ལ་བྱིན་པ་དེ་དབང་དུ་འགྱུར་རོ། །ཨ་ག་རུ་དང་། གུ་གུལ་དང་། ཤེ་བ་ཤུ་ཥྐ་དང་། ཨུཏྤལ་སྔོན་པོ་དང་། བུ་རམ་སྦྱར་བས་བདུག་པ་བྱས་ནས་བདག་ཉིད་རྒྱལ་པོའི་ཕོ་བྲང་དུ་སོང་ན་མཆོད་པ་ཆེན་པོ་ཐོབ་
211-288b

ཅིང་བཙུན་མོ་རྣམས་ཀྱིས་དྲི་སྣོམ་པར་བྱེད་དོ། །བྱེའུ་ཁཉྫ་རཱི་ཊའི་བྲུན་བླངས་ཏེ། སི་རི་སའི་ས་བོན་བྱུགས་པས་འཆི་བ་སེལ་ཏོ། །བྱ་རོག་གི་ལྕེ་དང་། ཤུ་དག་དང་། རུ་རྟ་དང་། པི་པི་ལིང་དང་། འབྲས་ཐུག་པོ་ཆེ་བདུན་དང་། བདག་ཉིད་ཀྱི་ཁུ་བ་སྦྱར་ཏེ་གང་
ལ་བྱིན་པ་དེ་དབང་དུ་འགྱུར་རོ། །ཤུ་དག་དཀར་པོའི་རྩ་བ་དང་། གི་ཝང་ལྷན་ཅིག་བཏགས་ཏེ་དེའི་ཐིག་ལེ་བྱས་ནས་གང་ལ་བལྟས་པ་དེ་དབང་དུ་འགྱུར་རོ། །དཎྜོ་ཏྤ་ལའི་རྩ་བ་དང་། སྦྲང་རྩི་ལྷན་ཅིག་བཏགས་ཏེ་རིལ་བུ་བྱས་ནས་གང་ལ་སོ་རྩི་དང་ལྷན་ཅིག་བྱིན་པ་དེ་
དབང་དུ་འགྱུར་རོ། །ཨོཾ་བཱ་ར་སྱ་མུ་ཁམ་དྲིཥྚཱ་བཱ་ལརྐ་ས་མ་ཏེ་ཛ་སཱ། ཙ་ཏུརྠ་ཀམྨ་ཧཱ་གྷོར་མ་ཀྵི་བྲ་མེ་བ་བྲ་ཏ་སྱ་ཏི། སྔགས་འདི་གྲོ་གའི་འདབ་མ་ལ་བྲིས་ཏེ་ལག་པ་ལ་བཏགས་ན་རིམས་ཉིན་བཞི་པ་ཕྲལ་དུ་ཉམས་པར་བྱེད་དོ། །བཱ་གུ་ཛི་ཀའི་འབྲས་བུའི་ཕྱེ་མ་
དར་བ་དང་ལྷན་ཅིག་བཏགས་ནས་དེ་དྲིལ་ཏེ། དར་བའི་ཟན་དང་། སྐྱུར་བ་ཐམས་ཅད་དང་ལྷན་ཅིག་ཟོས་ན་གཞང་འབྲུམ་དང་། རྐང་འབམ་དང་། འབྲུམ་ཕྲན་དང་། མཛེ་དང་། མཚན་བར་རྡོལ་བ་དང་དུག་རྣམས་སེལ་བར་བྱེད་དོ། །བཱ་གུ་ཛི་ཀའི་འབྲས་
བུ་དར་བ་དང་ལྷན་ཅིག་བཏགས་ནས་དེ་དྲིལ་བས་མཛེ་ཐམས་ཅད་དང་། བི་ཙརྩི་ཀ་ལ་སོགས་པ་སེལ་བར་བྱེད་དོ། །བཱ་གུ་ཛ་ག་བྲེ་གང་དང་། སེང་ལྡེང་ཞོ་གང་མཉམ་པར་བྱས་ཏེ། ཆུ་བྲེ་བརྒྱད་དང་བསྐོལ་བར་བྱའོ། །དེ་ནི་ཆ་ཕྱེད་ལུས་པ་ན་བཏུངས་ཏེ། བྱ་
རོག་གི་ལྕེ་དང་། ཤུ་དག་དང་། རུ་རྟ་དང་། བིལྦའི་འདབ་མ་དང་། གུར་གུམ་དང་། བདག་ཉིད་ཀྱི་ཁྲག་དང་མཉམ་པར་སྦྱར་བས་ཤིང་ཡང་དབང་དུ་བྱེད་དོ། །ཨོ་པི་ཤཱ་ཙཱི་རཱུ་བེ་ཎཱ་ལིངྒ་ཡ་ཙུམྦ་ཡ། བྷ་གཾ་སཉྩེ་ཡཉ་སྭཱ་ཧཱ། སྔགས་ཀྱི་ཚིག་འདི་ཆུ་ཁྱོར་བ་གང་ལ་
ལན་ཉི་ཤུ་རྩ་གཅིག་བཟླས་ཏེ་ཉལ་བའི་དུས་སུ་རིག་མ་གང་གི་མིང་སྨོས་ནས་བཏབ་ན། ཞག་ཉི་ཤུ་རྩ་གཅིག་གིས་མིའི་དབང་པོའི་བཙན་མོ་ཡིན་ནའང་དབང་དུ་འགྱུར་ན་གཞན་ལྟ་ཅི་སྨོས། ཁྲག་སྐྲོད་པའི་རྩ་བ། ཀརྨ་རངྒའི་རྩ་བ་དང་སིཧྱའི་ལོ་མ་དང་། 
211-289a

འདི་དག་མཉམ་པར་བྱས་རྐང་པའི་མཐིལ་ལ་བྱུགས་ན་ས་བོན་འཆིང་བར་བྱེད་དོ། །ཨ་རུ་ར་དང་། ཞུ་མཁན་དང་། ལུང་ཐང་གི་འདབ་མ་དང་། དྷ་དུ་ར་དང་། སེ་འབྲུའི་ཤུན་པ་དང་། ས་ཁ་སྱ་ནངྒ་པྲ་མ་དོ་མཱ་ནཱཾ་ཏཱ་ཡེ་པཥྚི་ས་སི་ཁཾ་ཀ་
རོ་ཏི། ཨོཾ་ར་ཙཎྜི་མ་ཧཱ་དཎྜཱ་ཡ་སྭཱ་ཧཱ། སྔགས་འདིས་བདུན་དུ་མངོན་པར་བསྔགས་ནས་གོས་ལ་སོགས་པར་མདུད་པ་བྱས་ན་བྱ་བ་མ་ལུས་པ་འགྲུབ་པར་འགྱུར་རོ། །ན་མཿསཱཀྵིཿཀ་པཱ་ལ་མཱ་ལི་ཐཱ་ཧཱ། གཞན་ཡང་བྱི་ལའི་ཁྲག་བླངས་ནས། འཇམ་འབྲས་ཏིལ་
མར་གྱིས་བསྒོས་ཏེ། པདྨའི་སྐུད་པས་སྡོང་བུ་བྱས་ནས་དབང་ཕྱུག་གི་མདུན་དུ་དུད་པ་འཆགས་པར་བྱས་ཏེ་མིག་ལ་བྱུགས་པ་ཙམ་གྱིས་མི་སྣང་བར་འགྱུར་རོ། །ཨོཾ་ཙི་ཏི་ཧེ་ཧེ། སྔགས་འདིས་ཆུ་དཀྲུགས་ཏེ་མིག་ལ་བྱུགས་ན་ཐེ་ཚོམ་མེད་པར་གྲུབ་པར་འགྱུར་རོ། །
བྱ་རོག་གི་ཁྲག་དང་། ཅེ་སྤྱང་གི་མཁྲིས་པ་དང་། འུག་པའི་རུས་པ་དང་། འདི་དག་ཆ་མཉམ་པའི་ཕྱེ་མ་ཞིབ་མོར་བྱས་ཏེ། རྒྱུ་སྐར་ནབས་སོ་ལ་བཏགས་ཏེ། མིག་ལ་བྱུགས་ན་མི་སྣང་བར་འགྱུར་རོ། །སཱ་ལ་པརྞི་ལག་པ་ལ་བཅིངས་ནས། ས་མ་རེ་
ཀཱཎྚ་ཟློག་པར་བྱེད་དོ། །ན་མཤྩཎྜ་བཛྲ་པཱ་ཎ་ཡེ་མ་ཧཱ་ཡཀྵ་སེ་ནཱ་པ་ཏ་ཡེ། ཏདྱ་ཐཱ། ཨོཾ་བཛྲ་ཧྲིཀྵཱི་སྥཊ། རིག་སྔགས་འདི་ལན་ཅིག་བརྗོད་ཅིང་། ཨོཾ་སཾ་ཙོ་རཾ་སྟཾ་བྷ་ཡ་སྭཱ་ཧཱ། ཀཱ་ལ་སིམྦི་ཀའི་རྩ་བ་དང་། ག་པུར་དང་། པདྨ་གེ་སར་དང་། འདི་དག་ཆ་མཉམ་
པར་བྱས་ནས། ཆུ་དང་བཏགས་ཏེ་རིལ་བུ་བྱས་ནས་གྲིབ་མ་ལ་བསྐམས་ཏེ། རིལ་བུ་དེ་ལ་ཡང་དག་པར་རེག་པའི་སྐྱེས་བུའི་ལག་པ་གཡས་པར་པདྨ་འདབ་མ་བརྒྱད་པ་ཀུན་ནས་བྲིས་ཏེ། ལག་པ་དེས་བུད་མེད་ཀྱི་ལག་པ་གཡས་པ་བཟུང་ན་བུད་མེད་དེ་མོད་ལ་
དབང་དུ་འགྱུར་རོ། །དྲི་བཟང་ཆེན་པོའི་རྩ་བ་རྐེད་ལ་བཅིངས་ན་ཁུ་བ་རེངས་པར་བྱེད་པའི་མཆོག་ཏུ་བསྟན་ནོ། །བ་རཱ་ཧ་ཀཱནྟའི་རྩ་བ་ཆུ་དང་བཏགས་ཏེ་རྐང་པའི་མཐིལ་ལ་བྱུགས་ན་ཁུ་བ་རེངས་པར་བྱེད་དོ། །ན་མཿསརྦ་སིདྷ་བྷྱཿསིདྷེརྦྷ་བ་ཏྲ་མེ་སྭཱ་ཧཱ། 
211-289b

སྔགས་འདིས་མངོན་པར་བསྔགས་ཏེ། བ་བླ་དང་། ལྡོང་རོས་དང་། སྤང་སྤོས་དང་། རུ་རྟ་དང་། མུསྟ་ཀ་སྟེ་ཐམས་ཅད་གཅིག་ཏུ་ཆ་མཉམ་པར་བྱས་ནས། ཞིབ་ཏུ་བཏགས་ཏེ་བུད་མེད་ཀྱི་མགོ་ལ་བསྣུན་ན། མངག་གཞུག་ཏུ་འགྱུར་རོ། །ན་མཿ
ཀྲིཥྞ་སརྦ་རཱ་ཡ་མ་ས་ཀཱ་ནཱཾ་ཀུཎྜཾ་བམྡྷཱ་མི་སྭཱ་ཧཱ། ཇི་སྲིད་ཉི་མ་ཤར་གྱི་བར་དུ། ཨོཾ་རཀྵ་རཀྵ་རཀྵ་སྭཱ་ཧཱ། སྔགས་འདིས་ཆུ་ཁྱོར་བ་གང་ལ་ལན་ཉི་ཤུ་རྩ་གཅིག་བཟླས་ཏེ། ཕྱོགས་བཞིར་གཏོར་ན། སྦྲང་བུ་རྣམས་སྐྲོད་པར་བྱེད་དོ། །ཀ་ར་བཱི་ར་དམར་པོའི་རྩ་བ་
ལ་ལན་བདུན་བསྔགས་ཏེ་བུད་མེད་ཀྱི་མདུན་དུ་གཏོར་ན་བུད་མེད་དེའི་མོད་ཁོ་ན་ལ་དབང་དུ་འགྱུར་རོ། །བྲཧྨ་དཎྜཱི་དང་། ཤུ་དག་དང་། ལོ་མ་རྣམས་སྦྲང་དང་ལྷན་ཅིག་བཏགས་ནས་ལིངྒ་ལ་བྱུགས་ནས་འདོད་པ་བྱས་ན་བདག་པོ་གཞན་འདོད་པར་མི་བྱེད་དོ། །
པ་ཙ་ཀའི་མིག་བླངས་ནས་ཛཱ་ཏི་དང་སུནྡྷ་དང་ལྷན་ཅིག་གཅིག་ཏུ་བྱས་ནས་ཕྱེ་མ་དེས་མིག་སྨན་བྱས་ན། སྐྱེས་བུ་དབང་དུ་འགྱུར་རོ། །བེ་ཙ་ཀའི་སྣུམ་བླངས་ནས་བའི་མར་དང་ལྷན་ཅིག་གཅིག་ཏུ་བྱས་ནས་དུད་པ་དབབ་པར་བྱའོ། །དེས་མིག་སྨན་བྱས་ནས་
འབྱུང་པོ་དང་ཤ་ཟ་རྣམས་ཀྱི་དབུས་སུ་རྩེ་བར་བྱེད་དོ། །བེ་ཙ་ཀའི་སྙིང་བླངས་ནས་ཆང་དང་ལྷན་ཅིག་ལུས་ལ་བྱུགས་ནས་འདོད་པ་སྤྱད་ན་བུད་མེད་ཐམས་ཅད་སྐྱེས་པའི་དབང་དུ་འགྱུར་རོ། །ཚངས་པའི་ཤིང་གི་རྩ་བ་ཁར་བཅུག་ན་ཁུ་བ་རེངས་པར་བྱེད་དོ། །
ལྒ་དང་། པི་པི་ལིང་དང་། ན་ལེ་ཤམ་དང་། རྒྱ་སྐྱེགས་དང་། ཟི་ར་དང་། ཟི་ར་ནག་པོ་དང་། ཤིང་ཀུན་དང་། སྒོག་པ་དང་། ལན་ཚྭ་དང་། ཤིང་ཚ་དང་། འདབ་མ་དང་། ཀུ་ཊ་རྣམས་ཆང་དང་བཏགས་ཏེ། ཕྲ་ཧཱ་རོསྠི་ཏེ་ན། ཨ་ཤེཥཱ་ཛི་རྞཱ་
ཏརྦྷ་བཱ་ཤྭཪྻ་རོ་བྱཿ ཐམས་ཅད་ཉམས་པར་བྱེད་དོ། །གང་ཞིག་སུ་ཎྛི་བཅུ་གཉིས་འཐུངས། །བད་ཀན་ཚོགས་ནི་འཇོམས་བྱེད་ཅིང་། །རླུང་ཡང་ཉེ་བར་འདྲེན་པར་བྱེད། །ཨ་ཛིརྞ་ཛིར་སརྱ་སུ་པཱི་ཧ་མཥྚོ་ད་ཀ་ནི་སཾ། [རང་དགའ་བ།] ཨ་ཛ་མོ་ད་ཚ་བ་གསུམ། །
211-290a

རྒྱམ་ཚ་ཟི་ར་རྣམ་གཉིས་དང་། ཤིང་ཀུན་ཆ་བརྒྱད་མཉམ་པར་བཟུང་། །འདི་ཡི་ཕྱེ་མ་མར་སར་དང་། །སྐྱེ་བོ་གང་ཞིག་ཟ་བྱེད་པ། །རླུང་གི་ནད་ནི་སེལ་བར་བྱེད། །མཱུ་ལ་མ་ཡསྟུ་པུ་ན་བྷུ་བ་ཡཿ བི་བ་ཏི་ཀྵི་ར་ཎ་བ་པྲ་ཏྱ་
ཙུརྞ་ནྟྪ་སྱ་གུ་ཌོ་ས་མ་ཧི་ཏ་བ་ཏོ་ཛཱི་རྞེ་ཡ་ཥཥྚ་སི་ནཿཧཱི་ནཱཾ་གོ྅པི་ས་ཛཱ་ཡ་ཏོ྅རྩི་ཏ་པཱི་ལཱཾ་ཧཾ་སེནྡྲ་ཀུནྡྷ་པྲ་བྷཾ། མཱ་སོ་ནི་བརྡྷི་ར་ཥཱུ་བཪྵ་བ་ཡ་སཱ་མུ་ཀྵོ་ཛ་རཱ་བྱཱ་དྷི་བྷིཿཨ་རུ་ར་སྲང་གཅིག །བ་རུ་ར་སྲང་གཅིག །སྐྱུ་རུ་ར་སྲང་གཅིག །ཙི་ཏྲ་ཀ་སྲང་གསུམ།
ལྒ་སྲང་གཅིག །པི་པི་ལིང་སྲང་གཅིག །ན་ལེ་ཤམ་སྲང་གཅིག །ནཱ་ག་གེ་སར་གྱི་ཕྱེ་མ་ཞོ་བཞི། ཕོ་བ་རིས་དཀར་པོ་ཞོ་དོ། སྡིག་སྲིན་རྭ་ཞོ་དོ། དུག་ཞོ་དོ། འདི་དག་ཐམས་ཅད་ཕྱེ་མ་ཞིབ་མོར་བྱས་ནས་བུ་རམ་སྲང་ལྔ་བཅུ་རྩ་ལྔ་དང་
བསྲེས་ཏེ་གང་གིས་ཟོས་པ་དེ་མེ་སྟོབས་སུ་འགྱུར་རོ། །ཐོས་པ་འཛིན་པར་འགྱུར་རོ། །མཛེ་ནད་བཅོ་བརྒྱད་ཉམས་པར་འགྱུར་རོ། །ཐང་བྱེད་ཀྱི་ནད་དང་། གློ་དང་འབུགས་དང་། དེ་བཞིན་དུ། མཆིན་ནད་དང་། སྐྱ་རྦ་བ་དང་། འབྲས་
དང་། རླུང་ནད་དང་། སྦྲུལ་དང་། སྲིན་བུ་ལཱུ་ཏ་དང་། དུག་ནད་སེལ་བར་བྱེད་དོ། །དེ་བཞིན་དུ་བརྟན་པ་དང་གཡོ་བ་འང་ངོ་། །སྟོབས་གླང་པོ་ཆེ་དང་མཉམ་པར་འགྱུར་རོ། །ཤུགས་རྟ་ལྟ་བུར་འགྱུར་རོ། །ཟླ་བ་གཅིག་གིས་མེར་འགྱུར་
རོ། །རྣ་བ་ཕག་ལྟ་བུར་འགྱུར་རོ། །མིག་བྱ་རྒོད་ལྟ་བུར་འགྱུར་རོ། །འདི་ཐམས་ཅད་ཀྱིས་མི་{འདྲེགས་}པར་འགྱུར་རོ། །འཕགས་པ་རྒྱལ་མ་ཞེས་བྱ་བའི་རིལ་བུ་ཡོངས་སུ་རྫོགས་སོ།། །།ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎཾ་ཡེ་མ་
ཧཱ་ཡཀྵ་སེ་ན་པ་ཏ་ཡ། ཏདྱ་ཐཱ། ཨོཾ་ཛྭ་ར་གྲི་ཎུ་ཛྭ་ར་གྲི་ཎུ་གརྫ་གརྫ། ཙྪརྡུ་ཙྪརྡུ། མུཉྩ་མུཉྩ། ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རིམས་མི་བཟད་པ་རྣམས། ཨ་ཊ་ཧ་ཊ་ཕྱག་ན་རྡོ་རྗེའི་བཀའ་
211-290b

བཞིན་དུ། ཧུ་རུ་ཧུ་རུ། དྷུ་ན་དྷུ་ན། བི་དྷུ་ན་བི་དྷུ་ན། སི་རི་མུཉྩ་ཀ་ཎཱཾ་མུཉྩ་ཏྭ་ཞི་ད་ཡཾ་མུཉྩ་མུཉྩ། ཌ་ད་རཾ་མུཉྩ། ཀ་ཊི་མུཉྩ་མུཉྩ་ཀཎྛ་མུཉྩ། ཧསྟི་མུཉྫ། བཱ་དོ་མུཉྩ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་ཆེ་གེ་མོའི་རིམས་ཉམས་པར་གྱིས་ཤིག་སྭཱ་ཧཱ། རིམས་བཟློག་
པའོ། །དབང་པོའི་ནས་དང་། ཞུ་མཁན་དང་། པུ་ཤེ་ཙི་དང་མ་སར། སྤོས་དཀར། པ་མ། བཱི་ཏཱ། ནི་ཕཊའི་འདབ་མ་རྣམས་གཅིག་ཏུ་བྱས་ནས་བཏགས་ཏེ་གདོང་ལ་བྱུགས་ན་གདོང་ཟླ་བ་ལྟ་བུར་འགྱུར་རོ། །ཀཱ་མ་ཡཱའི་རྩ་བ་གཙུག་ཏུ་བཅིངས་
ན་གཉིད་དུ་འགྱུར་རོ། །ཀུ་ཋཱ་རཙྪིཎྨའི་རྩ་བ་ཁར་བཅུག་ན་རལ་གྲི་ལ་སོགས་པ་ཟློག་པར་བྱེད་དོ། །ཨ་ལཾ་མུ་ཥཱའི་རྩ་བ་རྣ་བ་གཉིས་ལ་བཅིངས་ན་རིམས་ཉིན་བཞི་པ་ཉམས་པར་བྱེད་དོ། །དུར་ཁྲོད་དུ་སྐྱེས་པའི་དྲོ་ཎ་པུཥྤའི་ཁུ་བས་མིག་བཀང་ན་མིག་
གི་མེ་ཏོག་སེལ་བར་བྱེད་དོ། །ཀྵུ་{དག་}ཨི་ནི་ཀའི་རྩ་བ་དང་། གི་ཝཾ་ལྷན་ཅིག་བཏགས་ནས་ཐིག་ལེ་བྱས་ན་རྒྱལ་པོའི་སྒོར་མཆོག་ཏུ་འགྱུར་རོ། །ཤྲི་གཱ་ལ་བསྟུ་ཀཱའི་རྩ་བ་རྣ་བ་ལ་བཅིངས་ན་མིག་ནད་སེལ་བར་བྱེད་དོ། །ས་ཁོ་ཊ་ཀའི་རྩ་བས་
མགུལ་ནད་སེལ་བར་བྱེད་དོ། །བྷུ་མི་ཙམ་པ་ཀའི་རྩ་བ་བཏགས་ནས་བཏུངས་ན་ལྟོ་བའི་ཟུག་སེལ་བར་བྱེད་དོ། །དཀའ་ཐུབ་པའི་ཆུ་འོངས་པ་དང་། འབྲས་སཱ་ལུ་དང་། འབྲས་ཐུག་པོ་ཆེ་དང་། ཀ་ར་དཀར་པོ་དང་ལྷན་ཅིག་བཏུངས་ན་
བུད་མེད་རྣམས་ཀྱི་ཁྲག་འབབ་པ་སེལ་བར་བྱེད་དོ། །ཏྲི་ཤྲུ་ལི་ཀའི་རྩ་བ་ཁར་བཅུག་ན་གླང་པོ་ཆེ་དབང་དུ་འགྱུར་རོ། །བྲྀ་ཧ་ཏཱི་དཀར་པོའི་རྩ་བ་འབྲས་ཐུག་པོ་ཆེའི་ཆུ་དང་བཏགས་ནས་བཏུངས་ན་རྡེ་ནད་སེལ་བར་བྱེད་དོ། །སུ་བཱཎྞ་སེ་ཕཱ་ལི་
ཀའི་རྩ་བ་དར་བ་དང་ལྷན་ཅིག་བཏགས་ནས་བྱུག་པ་བྱས་ན་ཁྱི་རྡོ་སེལ་བར་བྱེད་དོ། །མངོན་པར་བགྲོད་པའི་དུས་སུ་ཨགྣི་བསྟུ་ཀའི་རྩ་བ་ཁར་བཅུག་ན་མོད་ལ་བུད་མེད་དབང་དུ་འགྱུར་རོ། །ཨ་ལ་མུ་ཥཱའི་རྩ་བ་ཀཾ་ཛི་ཀ་དང་བཏགས་
211-291a

ནས་མགོ་བོ་ལ་བྱབས་ན་མགོའི་ནད་སེལ་བར་བྱེད་དོ། །ཨརྐ་དཀར་པོའི་རྩ་བ་དར་བ་དང་བཏགས་ནས་བཏུངས་ན་མིག་སེར་སེལ་བར་བྱེད་དོ། །ནཱ་ག་ལམ་ཛཱ་ཏིའི་རྩ་བ་ཁར་བཅུག་ན་མི་སྣང་བར་འགྱུར་རོ། །འོ་མ་དང་ལྷན་ཅིག་
ཟོས་ནས་ཆགས་པར་བྱས་ན་བུ་སྐྱེ་བར་འགྱུར་རོ། །བྷོ་ཛ་ནཉྩ་ཨེ་ཀ་བ་ལ་ཡཱ་དུགྡྷི་ན་ས་ཧ་ཀཱ་ར་དང་། མཁན་པའི་རྩ་བ་དང་། དྲོ་ཎ་པུཥྤའི་རྩ་བ་དང་། ཡུང་བ་དང་། འབྲས་ཐུག་པོ་ཆེ་ལྷན་ཅིག་བྱས་ནས། དྲིལ་ཕྱི་བྱས་ཏེ། ཆུས་བཀྲུས་ན་གསལ་
པོར་སྨྲ་བར་འགྱུར་རོ། །དེ་བཞིན་དུ་ནཱ་ག་གེ་སར་དང་། སྠ་ལ་ཀུམྦྷཱི་དང་། ནཱ་ག་ད་མ་ན་ཀ་དང་། ད་མ་{ར་}ཀ་པུཥ་པ་རྣམས་ཀྱི་རྩ་བས་དྲིལ་ཕྱི་བྱས་ཏེ་ཆུས་བཀྲུས་ན། ཀླུ་ནོར་རྒྱས་ཀྱི་བུའང་དབང་དུ་འགྱུར་རོ། །ན་མཤྩཎྜ་བཛྲ་པཱ་ཎ་ཡེ་མ་ཧཱ་ཡཀྵ་སེ་
ནཱ་པ་ཏ་ཡེ། ཏདྱ་ཐཱ། ཨ་ན་ལེ་ཨ་ན་ལེ་ཏུ་ཏུ་སྭཱ་ཧཱ། སྔགས་འདི་ཚ་བའི་ཏིལ་མར་ལ་བརྒྱ་རྩ་བརྒྱད་མངོན་པར་བསྔགས་པར་བྱས་ཏེ་རྐང་པ་གཉིས་ལ་བྱུགས་ན་དཔག་ཚད་དུ་མར་མི་ངལ་བར་འགྲོ་བར་འགྱུར་རོ། །སྔོན་དུ་བསྙེན་པ་འབུམ་བྱས་པས་
སོ། །མཁའ་འགྲོ་རྣམས་ཀྱིས་ཕྱག་རྒྱ་འབྱེད་པར་འགྱུར་རོ། །བཅིངས་པ་གྲོལ་བ་ལས་བཟླས་པར་བྱའོ། །ན་མཿཀུ་སུ་མཱ་ལི་ཀཱ་ཡ་ཧི་མ་ར་དཱུ་རེ་ས་བ་རི་སྭཱ་ཧཱ། བྱི་བ་སྒྲིབ་པར་བྱེད་པའི་སྔགས་སོ། །ཨ་པཱ་མརྒའི་རྩ་བ་ལ་བདུན་བསྔགས་པའི་
སྲད་བུ་ཡོངས་སུ་བཅིངས་ན་རིམས་ཉིན་གཅིག་པ་སེལ་བར་བྱེད་དོ། །པ་རཱ་ཧ་ཀྲཱནྟའི་རྩ་བ་ལག་པ་ལ་བཅིངས་ན་ལང་ཚོ་ཉམས་པ་ལའང་བུ་འབྱུང་ངོ་། །དཎྜོ་ཏྤ་ལའི་རྩ་བ་དང་། གི་ཝཾ་ལྷན་ཅིག་བཏགས་ནས་ཐིག་ལེ་བྱས་ཏེ་རྒྱལ་པོའི་ཕོ་བྲང་དུ་ཞུགས་ན།
རྒྱལ་པོའི་ཕོ་བྲང་ལ་སོགས་པ་ཡུལ་འཁོར་གྱི་སྐྱེ་བོ་དགའ་བར་འགྱུར་རོ། །[ཕག་གནོན་པ། །] ཀ་ཀོ་ལའི་རྩ་བ་ཕྲད་པར་བྱས་ན་སོའི་ཟུག་རྔུ་སེལ་བར་བྱེད་དོ། །ཏ་ད་སྠཱ་ཀྲྀམ་ཡཿནཱ་ཤ་ཡ་ཏི། བྷྲི་ག་རཱ་ཛའི་རྩ་བ་དང་། ཨ་པ་ར་ཛི་ཏའི་རྩ་བ་དང་། མེ་ཏོག་ཕྱུངས་
211-291b

ཏེ་མགྲིན་པར་བཅིངས་ན་ལྐོག་འབྲས་སེལ་བར་བྱེད་དོ། །བསྟུ་ཀའི་རྩ་བ་བཱ་སའི་ཆུ་དང་བཅས་པ་བཏུངས་ན་སྐྱ་རྦབ་ཀྱི་ནད་སེལ་བར་བྱེད་དོ། །ཏིཀྟ་ལ་ཤུའི་རྩ་བ་ཀཉྫི་ཀ་དང་བཏགས་ཏེ་སྤྱི་བོར་བྱུགས་ན་མགོ་བོའི་ཟུག་སེལ་བར་བྱེད་དོ། །སུ་བརྞ་སེ་ཕཱ་ལི་ཀའི་རྩ་
བ་སྦྲང་རྩི་དང་ལྷན་ཅིག་བཏུངས་ན། དྲི་ཆུ་འགགས་པ་སེལ་བར་བྱེད་དོ། །སིཛྫའི་རྩ་བ་བུ་རམ་དང་ལྷན་ཅིག་ཟོས་ན་གཉིད་དུ་འགྱུར་རོ། །བཊའི་རྩ་བ་བཏགས་ནས་བྱིན་ན་མིག་སེར་སེལ་བར་བྱེད་དོ། །ཀཎྚ་ཀཱ་རའི་རྩ་བ་རྐེད་པ་ལ་བཅིངས་ན་མིག་ནད་སེལ་
བར་བྱེད་དོ། །སཱུམ་པཏྟ་དང་། བྷཉྫ་ནའི་རྩ་བ་བཏགས་ནས་ལྒའི་ཁུ་བ་དང་། རྒྱམ་ཚ་དང་། ཏིལ་མར་ལྷན་ཅིག་བསྲེས་ཏེ་རྣ་བ་བཀང་ན་རྣ་བའི་ཟུག་རྔུ་སེལ་བར་བྱེད་དོ། །ཀྲིཥྞ་སཱ་ཀའི་རྩ་བ་བཏགས་ན་སོའི་ཟུག་རྔུ་སེལ་བར་བྱེད་དོ། །གུཉྫའི་རྩ་བ་དུམ་བུ་
བདུན་དུ་བྱས་ནས་སྲད་བུ་བདུན་རྐེད་པར་བཅིངས་ན་གཞང་འབྲུམ་གྱི་ནད་སེལ་བར་བྱེད་དོ། །ན་བ་མ་ལིའི་རྩ་བ་མ་བཀྲུས་པ་བྱ་རོག་མ་གྲག་པའི་དུས་སུ་བདེ་བར་ཕྱུང་ནས་སྲད་བུ་བདུན་དང་བཅས་པ་རྐེད་པར་བཅིངས་ན་ཙི་ཏཱུ་ན་སེལ་བར་བྱེད་དོ། །[སྨ་རུ་མགོ་ནག །]
པ་ཏྱཱའི་ལ་ཀའི་རྩ་བའི་སོ་ཤིང་ཟོས་ན་མིག་སེར་སེལ་བར་བྱེད་དོ། །སྦའི་རྩ་བ་བསྐོལ་ནས་བཏུངས་ན་མཛེ་ནད་སེལ་བར་བྱེད་དོ། །སྐྱུ་རུ་ར་དང་ནིམྤའི་ལོ་མ་ལྷན་ཅིག་བཏགས་ནས་ཟོས་ཏེ། སཱ་ཁོ་ཊ་ཀའི་རྩ་བ་དང་། ཀཉྫི་ཀ་བཏགས་ནས་བྱུགས་ན་རླུང་།
འབྲས་སེལ་བར་བྱེད་དོ། །ས་ཎའི་རྩ་བ་སོ་རྩི་དང་ལྷན་ཅིག་ཐོས་ན་དབང་པོའི་ནད་འབྱུང་བར་མི་འགྱུར་རོ། །འདབ་མ་དང་བཅས་པའི་དམན་ཀའི་རྩ་བ་བཏགས་ནས་བཏུངས་ན་ཡོངས་སུ་འགྱུར་བའི་ཟུག་རྔུ་སེལ་བར་བྱེད་དོ། །སུ་ཝརྞ་སེ་ཕཱ་ལི་ཀའི་རྩ་བ་ཁར་
བཅུག་ན་རྒྱན་རྒྱལ་བར་འགྱུར་རོ། །བ་སོ་རྟ་རའི་སི་ཕ་ཕྱུང་ནས་ལྟེ་བའི་ཕྱོགས་སུ་བཅིངས་ན་བུད་མེད་བདེ་བར་བཙའ་བར་འགྱུར་རོ། །ཡང་ཛ་ཡནྟིའི་རྩ་བ་ཁར་བཅུག་ན་ཐ་སྙད་ལས་རྒྱལ་བར་འགྱུར་རོ། །བ་རཱ་ཧ་ཀྲཱནྟའི་རྩ་བ་ལག་པ་ལ་བཅིངས་ན་ཐ་སྙད་ཀྱིས་
211-292a

མི་ཐུབ་པར་འགྱུར་རོ། །ཨ་པ་ར་ཛི་ཏའི་རྩ་བ་སྐར་མ་རྒྱལ་ལ་ཕྱུང་ནས་རས་བལ་ལ་སྣུམ་བྱུགས་ཏེ་དུད་པ་དབབ་པར་བྱའོ། །དེས་མིག་སྨན་བྱས་ན་སྐྱེ་བོ་ཐམས་ཅད་དགའ་བར་འགྱུར་རོ། །ཀུནྡའི་རྩ་བ་སྐར་མ་རྒྱལ་ལ་བྱུང་སྟེ། པྲ་སཱ་
ར་ཀའི་གནས་སུ་བཞག་ན་ཚོང་རྒྱལ་བར་འགྱུར་རོ། །མ་ཡུ་ར་སི་ཁཱའི་རྩ་བ་རང་གི་ཁུ་བ་དང་བཏགས་ནས་སོར་མོ་ལ་བྱུགས་ན་བུད་མེད་འཛག་པར་ཐེ་ཚོམ་མེད་དོ། །རྙ་མ་དཱ་ཏིའི་རྩ་བ་འདབ་མ་དང་བཅས་པ་བཏགས་ནས་སེ་ཕ་ལ་བྱུགས་ན་བུད་མེད་འཛག་གོ། །ནཱ་
ག་གེ་སར་གྱི་ཡུ་བ། ཨ་ཤོ་ཀའི་རྩ་བ་དང་། སོ་རྩི་དང་ཆང་[རྨ་བྱའི་གཙུག་ཕུད།] གང་ལ་སྦྱིན་པ་དེའི་ཨ་མཙྪ་ཀ་ཞི་བར་བྱེད་དོ། །སུ་རི་དང་སུ་ནཱ་ལ་སོ་རྩི་བཅོས་པ་ཟོས་ན། ཁུ་བ་རེངས་པའི་མཆོག་ཏུ་འགྱུར་རོ། །བྷྲིངྒ་རཱ་ཛའི་རྩ་བ་རང་གི་ཁུ་བར་བཏགས་པས་
མིག་སྨན་བྱས་ན། གང་དང་གང་མཐོང་བ་དེ་དང་དེ་དབང་དུ་བྱེད་དོ། །རང་གི་ཁྲག་དང་གི་ཝཾ་གིས་ཐིག་ལེ་བྱས་ན་བུད་མེད་གང་མཐོང་བ་དེ་དབང་དུ་བྱེད་དོ། །བྱི་ཏང་ག་དང་། བྷལླཱ་ཏ་ཀ་དང་། ཙི་ཏྲ་ཀ་དང་། ཨ་བྷ་ཡཱ་དང་། [ད་མོ་ཤ་] ས་ནཱ་ག་རཱ་དང་མཉམ་པའི་
རིལ་བུས་མར་སར་ལྷགས་ན་གང་ངལ་བར་འགྲོ་བའི་སྐྱེས་བུ་དེ་རླུང་དང་མཚུངས་པར་འགྱུར་རོ། །བུད་ཤིང་གི་ཁུ་བ་དང་། འབྲས་བུ་གསུམ་དང་། ལྕགས་ཀྱི་ཕྱེ་མ་དང་། འདམ་གྱི་པདྨ་དང་། བྷྲིངྒའི་ཁུ་བས་ཀྱང་ངོ་། །ཨརྨ་པ་བྷུ་ཐུན་མོས་བ་ནིཥྚཾ།
རཉྫ་ཏི་ཀེ་ཤ་ཀ་པཱ་ལ་ན་སནྡྷ་ཧཾ། གུཉྫ་དཀར་པོའི་རྩ་བ་སྐར་མ་རྒྱལ་བྱུང་ནས། ཏེ་ན་དཥྚ་ཀ་སྱ་ན་སཾ་པཱ་མ་ནཱ་སི་ཀཱ་ཡཿ པྲ་ཊེ་པྲ་དོཏྟེ་ཙནྪ་ཏེ། གུཉྫ་དཀར་པོའི་རྩ་བ་རྐེད་པ་ལ་བཅིངས་ན་བདག་ཉིད་ཀྱི་ཁྲག་སེལ་བར་བྱེད་དོ། །དེའི་རྩ་བ་སྐྱེ་གནས་ལ་
བྱུག་པར་བྱིན་ན་མངལ་བསྡམས་པ་བཅའ་བར་བྱེད་དོ། །གུཉྫ་དཀར་པོའི་རྩ་བ་ཕྱེ་མ་ཞིབ་མོར་བྱས་ནས་མ་ཧེའི་འོ་མ་ལ་བཅུག་ན་ཞོ་སྨིན་པར་འགྱུར་རོ། །སཱ་ཁོ་ཊ་ཀའི་འོ་མ་ཐིགས་པ་གཉིས་བཅུག་སྟེ། ལེགས་པར་སྨིན་པ་ཉི་མ་གསུམ་པ་ལ་བསྲུབས་
211-292b

པའི་མར་གསར་བླངས་ཏེ། དར་བ། ཏ་ཀྲཉྩ་ཛ་ཧྭ་སཱ་པ་ཡ། མེ་ཏོག་དཀར་པོ་གཏོར་བྱའོ། །ཉི་མ་གཞན་ལ་དེའི་མེ་ཏོག་ནག་པོར་འགྱུར་རོ། །མར་སར་དེས་ཐོད་པར་མིག་སྨན་དུ་འགྱུར་རོ། །ཛཾ་བཱི་རའི་རྩ་བ་བཏགས་ན། ཛནྟི་ཀའི་ནད་སེལ་བར་བྱེད་དོ། །
པནྣཱག་པ་ཏི་ཀའི་རྩ་བ་བཏགས་ན་བེམས་པོའི་ནད་སེལ་བར་བྱེད་དོ། །རྀ་ཏུ་བཱི་ཏཱིའི་འབྱུང་པོའི་ཉི་མ་བཞི་པ་ལ་ནཱ་ག་གེ་སར་གྱི་ལོ་མ་དང་། ཁ་དོག་གཅིག་པའི་བའི་འོ་མ་བཏུངས་ན། ཉི་མ་བཞི་པ་ལ་སྐྱེས་བུའི་མཛེ་ནད་སེལ་བར་བྱེད་དོ། །སྐྱུ་རུ་ར་གེ་སར་ལས་
སྐྱེས་པའི་ཁུ་བ་དང་ལྷན་ཅིག་ལྕགས་ཀྱི་སྣོད་དུ་བཏགས་ཏེ་མིག་སྨན་བྱས་ན་རབ་རིབ་སེལ་བར་བྱེད་དོ། །པཱུ་ནརྣ་ཝའི་རྩ་བ་དང་། སོ་སོ་བྷཉྫ་ནའི་རྩ་བ་དང་། འབྲས་ཐུག་པོ་ཆེའི་ཆུ་དང་བཏགས་ནས་དེ་ཉིད་བཏུངས་ན་མཁྲིས་པ་སེལ་བའི་མཆོག་གོ། །ཏནྜུ་ལི་ཀཱའི་
རྩ་བས་མཁའ་འགྲོ་མའི་གདོན་དག་གིས་བཟུང་བའི་སྙིང་གི་ཟུག་རྔུ་སེལ་བར་བྱེད་དོ། །ཀཉྩ་ནཱའི་རྩ་བ་དང་། ཤུན་པ་དང་། དར་བ་མཉམ་པར་བཏུངས་ན་ཟས་ཀྱིས་བརྣངས་པ་སེལ་བར་བྱེད་དོ། །ཨཱི་ཤྭ་རའི་རྩ་བ་དང་ཀཉྫི་ཀ་བཏགས་ནས་བྱུགས་ན་གདུག་
པའི་རྨ་སེལ་བར་བྱེད་དོ། །དེ་བཞིན་དུ་གདུག་པའི་རྨའི་གནས་སུ་བྱུག་པར་ཡང་བྱའོ། །ཏྲི་སཱུ་ལི་ཀཱའི་རྩ་བ་བཏགས་ནས་བྱུག་པར་བྱིན་ན། དུག་ནད་སེལ་བར་བྱེད་དོ། །ཏཎྜུ་ལི་ཀཱའི་འདབ་མ་དང་བཅས་པའི་རྩ་བ་དང་། ཨགྣི་བསྟུ་ཀའི་རྩ་བའི་ཁུ་བ་བཏགས་
ནས་ལུས་ལ་བྱུགས་ན་བཅུད་སྐམ་སེལ་བར་བྱེད་དོ། །སུ་དཪྴ་ཀའི་རྩ་བ་བཏགས་ནས་བྱུགས་ན་མིག་ནད་ཞི་བར་བྱེད་དོ། །གོ་ཛི་ཧྭེའི་རྩ་བ་རས་བལ་ལ་བཅིངས་ན་ཐ་སྙད་ལས་རྒྱལ་བར་འགྱུར་རོ། །ཨ་ཤྭ་གནྡྷའི་རྩ་བ་མར་དང་ལྷན་ཅིག་བཏུངས་ན་མངལ་
བརྟན་པར་བྱེད་པའི་མཆོག་གོ། །སུ་ར་བྷ་ཏི་ག་རའི་རྩ་བ་བཏགས་ནས་བྱུགས་ན་སྲིན་བུ་ལཱུ་ཏའི་དུག་སེལ་བར་བྱེད་དོ། །གི་རཱི་ཀརྞི་ཀའི་རྩ་བ་བཏགས་ན་ལྐོག་འབྲས་སེལ་བར་བྱེད་དོ། །ཨུཏྤལ་སྔོན་པོ་དང་། གཞན་གྱིས་མི་ཐུབ་པའི་རྩ་བ་སོ་རྩིར་བྱིན་ན་
211-293a

དབང་དུ་བྱེད་པའི་མཆོག་གོ། །ཨ་པཱ་མཱརྒའི་རྩ་བ་དང་། རྒྱམ་ཚ་དང་། ག་མ་ཛི་ཀ་ལྷན་ཅིག་ཟངས་ཀྱི་སྣོད་དུ་སྦྱར་ནས་མིག་སྨན་བྱས་ན་མིག་ཚག་པ་སེལ་བར་བྱེད་དོ། །ཛ་ཡནྟའི་རྩ་བ་ཏིལ་མར་གྱིས་སྨིན་པར་བྱས་ནས་ཟོས་ན་བཅུད་
ཉམས་པར་བྱེད་དོ། །ཀ་རཉྫའི་རྩ་བ་དང་། མ་ཧཱ་ཀཱ་ལའི་རྩ་བ་དང་། ཏ་ཎུ་ལའི་ཆུ་བཏུང་བར་བྱིན་ན་སའི་དུག་སེལ་བར་བྱེད་དོ། །དེ་བཞིན་དུ་བུ་ནརྣ་བཱ་དཀར་པོའི་རྩ་བ་ཕྱུང་ནས་སྣ་བུག་ཏུ་བྱིན་ན་གདུག་པའི་དུག་སེལ་བར་བྱེད་དོ། །པཱ་ཐའི་རྩ་བ་དར་
བ་དང་ལྷན་ཅིག་བཏུངས་ན་ཚད་པས་འཁྲུ་བ་སེལ་བར་བྱེད་དོ། །མནྡཱ་རཱའི་རྩ་བ་འོ་མ་དང་ལྷན་ཅིག་བཏུངས་ན་རླུང་ནད་སེལ་བར་བྱེད་དོ། །ཨརྐའི་རྩ་བ་དང་། རི་ཥི་པཱུ་ཊོ་ལི་ཀའི་རྩ་བ་ས་བོན་དང་ལྷན་ཅིག་ཆ་མཉམ་པར་བྱས་ནས་ཆུ་དང་བཏགས་ཏེ་བཤང་ལམ་
དུ་བྱུགས་ན་གཞང་འབྲུམ་སེལ་བར་བྱེད་དོ། །དྲི་སཱུ་ལི་ཀའི་རྩ་བ་འོ་མ་དང་བཏགས་ཏེ་གི་ཝཾ་དང་ལྷན་ཅིག་ཟངས་ཀྱི་སྣོད་དུ་བཞག་ནས་མིག་ལ་བྱུགས་ན། རབ་རིབ་སེལ་བར་བྱེད་དོ། །ཨ་རུ་ར་དང་། ཞུ་མཁན་དང་། ལུང་ཐང་གི་འདབ་མ་དང་། ཤིང་ཀུན་དང་།
ཤུ་དག་རྣམས་ཆུ་དང་ལྷན་ཅིག་བཏགས་ནས་གལ་ཏེ་སོས་བཏབ་ན་འཆི་བ་དེའི་ཚེ་ཡང་འདི་བྱིན་ན་རྣལ་དུ་གནས་པར་འགྱུར་རོ། །ཀོ་ཀི་ལཱཀྵའི་རྩ་བ་དང་། ཀུ་ཌཱུ་ཙི་དང་། བ་ཤ་ཀ་དང་། དབྱུག་པའི་ཨུཏྤལ་དང་། སུ་ཝརྩེས་ཕཱ་ལི་ཀའི་ས་བོན་དང་། བྲི་ཧ་ཏིའི་རྩ་
བ་དང་། ཆ་མཉམ་པར་བྱས་ནས་ཡུངས་ཀར་གྱི་སྣུམ་དང་ལྷན་ཅིག་བཏུངས་ན་རྐང་འབམ་དང་རླུང་ནད་སེལ་བར་བྱེད་དོ། །གོ་ཛི་ཏྲའི་རྩ་བ་དར་བ་དང་ལྷན་ཅིག་བཏུངས་ན་རྐེད་པའི་ནད་སེལ་བར་བྱེད་དོ། །ཨུཏྤལའི་རྩ་བ་བའི་མར་དང་ལྷན་ཅིག་བཏུངས་ན་པྲིཥ་ཎའི་{རླུང་}
སེལ་བར་བྱེད་དོ། །ཀུ་ཛ་ཊའི་རྩ་བ་ཕྱེ་མར་བྱས་ནས་སྦྲང་དང་ལྷན་ཅིག་བྱིན་ན་རྩའི་རྨ་སེལ་བར་བྱེད་དོ། །པ་ར་མེ་སྭརའི་རྩ་བ་དང་ཤུ་དག་བྱུགས་ན་འབྲས་སེལ་བར་བྱེད་དོ། །སུཎྜི་ཀཱའི་རྩ་བ་དང་། ལྒ་དང་ལྷན་ཅིག་ལག་པ་ལ་བྱུགས་ན་མི་རེངས་པར་བྱེད་དོ། །བནྡྷུ་
211-293b

ཀིའི་རྩ་བ་སྣར་བྱིན་ན་སྣ་ནད་སེལ་བར་བྱེད་དོ། །བཱ་རཱ་ཧ་ཀྲཱནྟའི་རྩ་བ་ཡུངས་ཀར་གྱི་མར་དང་ལྷན་ཅིག་ཁར་བཅུག་ན། སྐྱེ་བོ་ཐམས་ཅད་ཀྱི་མིག་འཆིང་བར་བྱེད་དོ། །པྲ་{ཋཱ་}མཱ་ལཾ། ཨོཾ་ཁངྒ་ཝཱ་རི་ཎཱི་སྭཱ་ཧཱ། ཞེས་པའི་སྔགས་ཀྱིས་ཁ་ལ་བཏབ་ནས་མཚོན་བཟའ་བར་བྱའོ། །
ཨ་ག་རུ་དང་། གུ་གུལ་དང་། ཤྲཱི་ཝཱ་ས་དང་། ཙན་དན་དང་། ནེ་པཱ་ལི་ཀཱའི་འདབ་མ་དང་། ནིརྨཱས་རྣམས་བུ་རམ་དང་ལྷན་ཅིག་ཆ་མཉམ་པར་བྱས་ནས་བདག་ཉིད་བདུགས་ཏེ། རྒྱལ་པོའི་ཕོ་བྲང་དུ་ཕྱིན་ན་སྐྱེ་བོ་ཐམས་ཅད་ཀྱིས་དེའི་དྲི་སྣོམ་པར་བྱེད་ཅིང་། ཐམས་
ཅད་མངག་གཞུག་ཏུ་འགྱུར་རོ། །ཏིལ་ནག་པོ་དང་། སྐྱུ་རུ་ར་དང་། བྷྲིངྒ་རཱ་ཛ་དང་། འདི་དག་ཆ་མཉམ་པར་བྱས་ནས་མར་དང་ལྷན་ཅིག་ཟོས་ན་སྐྲ་དཀར་དང་། རབ་རིབ་དང་། སྐྱ་རྦབ་རྣམས་སེལ་བར་བྱེད་དོ། །ཀཱ་ཀ་ཛི་གྷའི་རང་བཞིན་བཤད་པར་བྱ་སྟེ། སྨན་
ཆེན་པོ་ཀཱ་ཀ་ཛི་གྷ་ཨ་ཏི་བཱ་ལཱ། དེ་བཞིན་དུ་བ་ལ་ཎཾ་དང་། བ་རཎྜུའི་འདབ་མ་དང་། ཁུ་བ་དང་། ཡུངས་ཀར་དཀར་པོ་དང་། མཎྜུ་ཀའི་རིལ་མ་བྲེ་གང་གིས་སྨིན་པར་བྱས་ཏེ། འདིས་རྩ་བ་བཀྲུས་ན་ཆུ་ཀླུང་གི་ཤུགས་ཀྱང་ཞི་བར་བྱེད་དོ། །ཀཱ་ཀ་ཛཾ་གྷཱའི་ཁུ་བ་
བླངས་ཏེ། འདིའི་རྩ་བ་དང་བཏགས་ནས་རྨ་ལ་བཏབ་ན་རྨ་གསོ་བའི་མཆོག་གོ། །འདིའི་འདབ་མ་དང་། འབྲས་ཐུག་པོ་ཆེའི་ཆུ་དང་བཏགས་ཏེ་བཀྲུས་ཤིང་བསྐམས་ནས་རྨ་ཏིལ་མར་གྱིས་བཀང་ན་རྩ་གསོ་བའི་མཆོག་གོ། །འདིའི་འདབ་མའི་ཁུ་བ་དང་། བ་
ལང་གི་ཆུ་ལྷན་ཅིག་ཁས་བཟུང་ན་ཁའི་ནད་སེལ་བར་བྱེད་དོ། །ཀཱ་ཀ་{ཛཾ་}གྷཱ་དང་། སྐྱུ་རུ་ར་དང་། བ་རུ་ར་དང་། བྷྲིངྒ་རཱ་ཛའི་ཁུ་བ་བླངས་ནས། ཏིལ་མར་གྱིས་སྨིན་པར་བྱས་ན་ཁི་ཉ་འཕེལ་བར་བྱེད་དོ། །ཐོས་པ་རེངས་པ་སེལ་བར་བྱེད་དོ། །སྦྲང་དང་ལྷན་ཅིག་
གིས་ལྐོག་འབྲས་སེལ་བར་བྱེད་དོ། །བྷལླཱ་ཏ་ཀ་དང་། ལྷན་ཅིག་ཟོས་ན་མཛེ་ནད་སེལ་བར་བྱེད་དོ། །མར་སར་དང་ལྷན་ཅིག་གིས་སྐྱིགས་བུའི་ནད་སེལ་བར་བྱེད་དོ། །སྤོས་དཀར་དང་ལྷན་ཅིག་གིས་མཚན་བར་རྡོལ་བ་སེལ་བར་བྱེད་དོ། །ཁཎྜ་དང་ལྷན་ཅིག་གིས་ཁ་
211-294a

ནད་སེལ་བར་བྱེད་དོ། །བའི་ཆུ་དང་ལྷན་ཅིག་གིས་མེ་དབལ་སེལ་བར་བྱེད་དོ། །འཕགས་པ་རྩ་བའི་མཛོད་སྨན་ཆེན་པོའི་རིམ་པ་སློབ་དཔོན་དཔལ་ལྡན་འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པ་ཡོངས་སུ་རྫོགས་སོ།། །།པྲི་ཡཾ་
ཀུ་དང་། ཀ་ཀོ་ལ་དང་། ཤུ་དག་དང་། རུ་རྟ་དང་། ཡུངས་ཀར་དཀར་པོ་དང་། ནཱ་ག་པུཥྤ་དང་། སྤོས་དཀར་རྣམས་ཀྱི་བདུག་པ་བྱས་ན་མྱུར་དུ་ཚོང་འབྱུང་བར་འགྱུར་རོ། །སྒོག་པ་ཟོས་ན་ཨ་རུ་དང་། ཀུ་ཊ་བཏགས་ན་དྲི་མ་མེད་པར་འགྱུར་རོ། །ཆང་བཏུངས་
ནས་དུརྦ་བཏགས་ན་དྲི་མ་མེད་པར་འགྱུར་རོ། །པ་རོ་ལཱིའི་ཁུ་བ་བཏབ་ན་ཆང་དཀར་པོར་འགྱུར་རོ། །ཡང་། སོ་སོ་བཱི་ར་བཏབ་ན་རང་བཞིན་དུ་གནས་པར་འགྱུར་རོ། །ཀཱ་ར་སུམ་ཁ་དཀར་པོའི་རྩ་བ་དང་རྨ་བྱའི་གཙུག་ཕུད་ཀྱི་རྩ་བ་དང་། གཞན་གྱིས་མི་ཐུབ་པ་དཀར་
པོའི་རྩ་བ་རྣམས་གཅིག་ཏུ་བྱས་ནས་བཏགས་ཏེ་གྲིབ་མ་ལ་བསྐམས་པའི་རིལ་བུ་ཁར་བཅུག་ཅིང་། ལུས་ལ་བྱུག་པ་བྱས་ན་གཡུལ་ལས་མཚོན་ཆ་བཟློག་པར་བྱེད་དོ། །སྐྱུ་རུ་རའི་རྩ་བ་དང་། མེ་ཏོག་ཕྱུང་ནས་ཁར་བཅུག་ན་གཡུལ་ལས་མཚོན་ཆ་རེངས་པར་བྱེད་དོ། །
ཨུདྡྷ་དྡྷ་ག་ལྀ་ཏཾ་བ་ནཱ་ནི་སིཀྟ་མྲྀཏྟི་ཀཱཾ་གྲྀ་ཧྱ་དཀྟོ་ད་ར་མ་དྷྱེ་པྲཀཱི་སྱ་ཡ་ཏ་གྲྀ་ཧ་ཕཊ་ལ་སྠཱ་ཡེཏ། ཏ་ཏྲ་ཨིཥྨི་ཀཱ་ཡ་ཏིནྟ། ཙ་ཏུརྡ་ཤྱཱཾ། བ་ཧུ་བཱ་ར་བྲིཀྵ་སྱ་དཀྵི་ཎ་སཱ་ཁཱཾ་གྲྀ་ཧྱ་ཀ་ར་ཡི་ཏྭཱ་ཤྲིཪྒ་མ་ཏཱིཤྨ་ཤ་དགྣི། ཏཱཏྤཾ་ཏཾ། ཕུག་རོན་གྱི་བྲུན་དང་། ལྷམ་བུ་ཆུ་གཤེར་གྱི་ཆུ་
དང་། གུ་གུལ་དང་། ཤིང་ཚ་དང་། ན་གི་དང་། རུ་རྟ་དང་། ག་ན་ཀའི་ས་བོན་དང་། འདི་དག་གིས་བདུགས་པའི་རིལ་བུ་སྦྱར་ཏེ། བདུག་སྤོས་འདིས་རྙེད་པ་དང་བཅས་པའི་ཚོང་འབྱུང་བར་འགྱུར་རོ། །སྔགས་ནི་འདིའོ། །ཨོཾ་ན་མོ་ཙཎྜ་ཀུ་ཥ་ཀུ་རུ་ཀུ་རུ་སྭཱ་ཧཱ།
འདི་ནི་བྱམས་པ་གླིང་གི་གཟིམས་ཁང་དུ་རྒྱ་དཔེ་བཞུགས་པ་ལས་ཆོས་རྗེ་རིན་པོ་ཆེ་ངག་གི་དབང་ཕྱུག་བསོད་ནམས་རྣམ་རྒྱལ་དཔལ་བཟང་པོའི་བཀའ་བཞིན་དུ། ཞ་ལུ་ལོ་ཙཱ་བ་དགེ་སློང་ཆོས་སྐྱོང་བཟང་པོས་རྒྱ་དཔེ་བཞིན་ཇི་ལྟར་གོ་བ་རྣམས་བསྒྱུར་བའོ།། །།

目錄
འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པའི་མན་ངག་ཟབ་མོ་བཞུགས།